home
corpus
author
msName
people
places
Advanced Search
Search icon
Life of Isaac of Alexandria - part 2
normalized analytic TEI ANNIS PAULA Search ANNIS
Next

Analytic Visualization

Show:








ⲁⲥϣⲱⲡⲓⲟⲩⲛϧⲉⲛⲡⲓⲥⲏⲟⲩⲉⲧⲉⲙⲙⲁⲩⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲕⲱϯⲛⲥⲁⲟⲩⲣⲱⲙⲓⲛⲥⲟⲫⲟⲥϫⲉⲛⲧⲉϥⲁⲓϥⲛⲥⲩⲅⲅⲉⲗⲗⲟⲥⲛⲉⲙⲛⲟⲧⲁⲣⲓⲟⲥⲛⲁϥⲁⲩⲧⲁⲙⲟϥⲉⲑⲃⲉⲫⲏⲉⲑⲟⲩⲁⲃⲓⲥⲁⲁⲕⲁϥⲟⲩⲱⲣⲡⲉϣⲓⲏⲧⲛⲥⲱϥ.
ⲉⲧⲁϥϩⲱⲗϣⲁⲣⲟϥⲉⲑⲃⲉϫⲉⲙⲙⲟⲛϣϫⲟⲙⲉⲉⲣⲁⲧⲥⲱⲧⲉⲙⲛⲥⲱϥⲟⲩⲟϩⲉⲧⲁϥⲛⲁⲩⲉⲣⲟϥⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉϥⲉⲣⲫⲟⲣⲉⲓⲛⲛⲟⲩϩⲉⲃⲥⲱⲉⲥⲑⲉⲃⲓⲏⲟⲩⲧⲁϥϫⲉⲛϥϫⲉⲛⲑⲟⲕⲡⲉⲓⲥⲁⲁⲕ.
ⲁϥⲉⲣⲟⲩⲱϧⲉⲛⲟⲩⲑⲉⲃⲓⲟϫⲉⲁⲛⲟⲕⲡⲉ.
ⲉⲧⲁϥⲉⲣⲕⲉⲗⲉⲩⲉⲓⲛⲛⲁϥϫⲉⲛⲧⲉϥⲥϧⲏⲧⲟⲩⲉⲡⲓⲥⲧⲟⲗⲏⲛⲧⲉϥⲛⲁⲩⲉⲣⲟⲥⲕⲁⲧⲁⲫⲣⲏϯⲉⲧⲁⲩⲥⲱⲧⲉⲙⲉⲑⲃⲏⲧϥ.
ⲧⲟⲧⲉⲁϥⲥϧⲏⲧϯⲉⲡⲓⲥⲧⲟⲗⲏⲁϥⲧⲁⲕⲟⲥϧⲉⲛⲡⲉϥⲟⲩⲱϣⲉϥⲙⲉⲩⲓϫⲉϩⲓⲧⲉⲛⲧⲁⲓⲁⲓⲧⲓⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲁⲭⲁϥⲉⲃⲟⲗⲉϣⲧⲉⲙⲁⲙⲟⲛⲓⲙⲙⲟϥⲉⲑⲃⲉϫⲉⲉⲣⲁⲅⲁⲡⲁⲛⲙⲡⲓⲱⲣϥⲉⲁϥⲧⲉⲛⲑⲱⲛϥⲉⲡⲓⲡⲣⲟⲫⲏⲧⲏⲥⲇⲁⲩⲓⲇⲉⲧⲁϥⲁⲓϥⲛⲥⲱϥⲙⲡⲉⲙⲑⲟⲛⲁⲭⲟⲩⲥⲡⲟⲩⲣⲟⲛⲅⲉⲑϧⲉⲛⲡϫⲓⲛⲑⲣⲟⲩⲧⲁⲙⲟϥⲛϫⲉⲛⲉϥⲁⲗⲱⲟⲩⲓϫⲉⲫⲁⲓⲡⲉⲇⲁⲩⲓⲇⲡⲟⲩⲣⲟⲫⲏⲉⲧⲁⲩⲉⲣⲭⲟⲣⲉⲩⲉⲓⲛϧⲁϫⲱϥⲛϫⲉⲛⲓϧⲉⲗϣⲁⲓⲣⲓⲛⲧⲉⲡⲓⲥⲗϫⲉⲁⲥⲁⲟⲩⲗϣⲁⲓⲣⲓϧⲉⲛϩⲁⲛⲁⲛϣⲟⲇⲁⲩⲓⲇϧⲉⲛϩⲁⲛⲁⲛⲑⲃⲁ.
ⲟⲩⲟϩⲡⲁⲓⲣⲏϯⲉϥϣⲁϣⲛⲓⲉⲡⲉϥⲟⲩⲱϣⲟⲩⲟϩⲉⲧⲁⲩⲛⲁⲩⲉϯⲉⲡⲓⲥⲧⲟⲗⲏⲛϫⲉⲛⲏⲉⲧⲟϩⲓⲉⲣⲁⲧⲟⲩⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲡⲉϫⲱⲟⲩⲛⲁϥϫⲉⲛⲉⲣⲭⲣⲉⲓⲁⲛⲟⲩⲣⲱⲙⲓⲙⲡⲁⲓⲣⲏϯ.
ⲉⲧⲁϥⲉⲙⲓⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥϫⲉⲉⲧⲁϥⲥϧⲉⲙⲡⲉϥⲟⲩⲱϣⲡⲉϫⲁϥⲛⲁϥϫⲉⲛⲁⲛⲉⲑⲁⲓⲙⲁϣⲉⲛⲁⲕⲥϧⲁⲓⲙⲡⲁⲓⲣⲏϯⲡⲗⲏⲛⲁⲣⲓⲉⲙⲓⲛⲁⲕϫⲉⲭⲛⲁⲥⲉⲛⲡⲁⲓⲙⲁⲉⲃⲟⲗⲁⲛ.
ⲉⲧⲁϥⲛⲁⲩⲇⲉⲛϫⲉⲫⲏⲉⲑⲟⲩⲁⲃϫⲉⲙⲡⲉϥϣⲁϣⲛⲓⲉⲡⲉϥⲟⲩⲱϣⲡⲁⲗⲓⲛⲟⲛⲁϥⲥϧⲏⲧϯⲙⲁϩⲥⲛⲟⲩϯⲛⲉⲡⲓⲥⲧⲟⲗⲏⲉⲥⲟⲓⲛϣⲫⲏⲣⲉⲙⲁϣⲱ.
ⲟⲩⲟϩⲉⲧⲁϥⲛⲁⲩⲉⲣⲟⲥⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥⲣⲁϣⲓⲉⲙⲁϣⲱⲙⲫⲣⲏϯⲙⲡⲓⲣⲱⲙⲓⲉⲧⲥϧⲏⲟⲩⲧϧⲉⲛⲡⲓⲉⲩⲁⲅⲅⲉⲗⲓⲟⲛⲉⲧⲁϥϫⲓⲙⲓⲙⲡⲓⲁⲛⲁⲙⲏⲓ
ⲟⲩⲟϩⲁϥⲱϣⲉⲃⲟⲗⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉϥϫⲱⲙⲙⲟⲥϫⲉⲙⲫⲣⲏϯⲉⲧⲁⲛⲥⲱⲧⲉⲙⲡⲁⲓⲣⲏϯⲟⲛⲁⲛⲛⲁⲩⲟⲩⲟϩⲡⲉϫⲁϥⲛⲛⲏⲉⲧⲟϩⲓⲉⲣⲁⲧⲟⲩⲙⲡⲉϥⲕⲱϯϫⲉⲁⲗⲏⲑⲱⲥⲛⲁϣⲏⲣⲓⲫⲏⲉⲧⲁⲛⲉⲣⲁⲓⲧⲉⲓⲛⲙⲙⲟϥⲁⲛϣⲁϣⲛⲓⲉⲣⲟϥϩⲓⲧⲉⲛϯϫⲟⲙⲛⲧⲉⲫⲛⲟⲩϯⲕⲁⲓⲅⲁⲣⲟⲩⲣⲱⲙⲓⲙⲡⲁⲓⲣⲏϯⲉⲛⲉⲣⲭⲣⲉⲓⲁⲙⲙⲟϥ.
ⲧⲟⲧⲉⲡⲓⲁⲗⲟⲩⲛⲁϥϩⲉϫϩⲱϫⲡⲉⲛⲁϥⲟⲩⲱϣⲁⲛⲡⲉⲉⲓⲉⲧⲙⲏϯⲛⲛⲓⲣⲱⲙⲓ
ⲉⲧⲁϥϯϩⲟⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲛϩⲁⲛⲙⲏϣⲛⲥⲟⲡⲙⲟⲅⲓⲥⲁϥⲑⲉⲧⲡⲉϥϩⲏⲧⲉⲭⲁϥⲉⲃⲟⲗ
ⲡⲗⲏⲛⲁϥⲥⲉⲙⲛⲏⲧⲥⲛⲉⲙⲁϥⲉⲑⲣⲉϥⲉⲣⲟⲩⲁⲃⲟⲧⲛⲉϩⲟⲟⲩϧⲁⲧⲟⲧϥⲛⲧⲉⲛⲣⲟⲙⲡⲓⲉϥⲥϧⲁⲓⲛⲛⲓϩⲉⲟⲣⲧⲁⲥⲧⲓⲕⲏⲟⲩⲟϩⲁϥⲓⲉⲃⲟⲗϩⲓⲧⲟⲧϥϧⲉⲛⲟⲩϩⲉⲓⲣⲏⲛⲏⲁϥⲧⲁϩⲉⲡϣⲁϥⲉⲫⲏⲉⲧⲉϥⲙⲉⲓⲙⲙⲟϥ.
ⲉⲣⲉⲛⲁⲓϣⲟⲡⲙⲡⲁⲓⲣⲏϯⲁϥⲙⲧⲟⲛⲙⲙⲟϥⲛϫⲉⲡⲓⲉⲡⲓⲥⲕⲟⲡⲟⲥⲡⲧⲉϯⲡⲟⲗⲓⲥⲥⲁⲓⲁⲩⲧⲁϩⲟⲙⲡⲉϥⲓⲱⲧⲙⲡⲛⲉⲩⲙⲁⲧⲓⲕⲟⲛⲁⲩⲁⲓϥⲛⲉⲡⲓⲥⲕⲟⲡⲟⲥⲉϯⲡⲟⲗⲓⲥⲥⲁⲓ.
ⲫⲏⲉⲑⲟⲩⲁⲃⲇⲉⲓⲥⲁⲁⲕⲛⲁϥϣⲟⲡⲡⲉϧⲉⲛⲡⲓⲙⲟⲛⲁⲥⲧⲏⲣⲓⲟⲛⲛⲉⲙⲛⲉϥⲥⲛⲏⲟⲩ.
ⲁⲥϣⲱⲡⲓⲇⲉⲛⲟⲩⲥⲟⲡⲉⲧⲁϥϩⲱⲗⲉϫⲉⲙⲡⲉϥϣⲓⲛⲓⲟⲩⲟϩⲛⲧⲉϥⲛⲁⲩⲉⲣⲟϥⲉⲧⲁⲩⲉⲣⲁⲡⲁⲛⲧⲁⲛⲉⲛⲟⲩⲉⲣⲏⲟⲩⲁⲩⲣⲁϣⲓ
ⲟⲩⲟϩⲛⲉⲟⲩⲟⲛⲟⲩⲣⲱⲙⲓⲡⲉⲉⲡⲉϥⲣⲁⲛⲡⲉⲓⲥⲁⲁⲕⲉϥⲟⲓⲛⲭⲁⲣⲧⲟⲗⲁⲣⲓⲟⲥⲉϯⲭⲱⲣⲁⲛⲧⲉⲭⲏⲙⲓⲛⲉⲟⲩⲙⲁⲓⲛⲟⲩϯⲡⲉⲉⲙⲁϣⲱ.
ⲟⲩⲟϩⲛⲉⲟⲩⲉⲃⲟⲗϧⲉⲛⲟⲩⲧⲓⲙⲓⲉⲩⲙⲟⲩϯⲉⲣⲟϥϫⲉϫⲉⲃⲣⲟⲛⲁⲑⲏⲛⲓⲉⲟⲩⲟⲛⲛⲧⲁϥⲙⲙⲁⲩⲛⲟⲩⲛⲓϣϯⲛⲛⲁϩϯⲉϧⲟⲩⲛⲉⲡⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲁⲃⲃⲁⲍⲁⲭⲁⲣⲓⲁⲥ.
ⲁϥⲓϣⲁⲣⲟϥⲉϥϯϩⲟⲉⲣⲟϥⲉϥϫⲱⲙⲙⲟⲥϫⲉⲉⲡⲉⲓⲇⲏⲁⲡⲟⲩⲣⲟⲟⲩⲱⲣⲡⲛⲥⲱⲓⲛⲧⲁϯⲡⲗⲟⲅⲟⲥⲛⲛⲓⲇⲏⲙⲟⲥⲓⲟⲛⲛⲁϥⲉϧⲟⲩⲛⲉⲑⲃⲉⲫⲁⲓϯϯϩⲟⲉⲣⲟⲕⲉⲑⲣⲉⲕⲧⲱⲃϩⲙⲡϭⲟⲉⲓⲥⲉϩⲣⲏⲓⲉϫⲱⲓⲛⲧⲉϥϭⲱⲣⲡⲛⲁⲕⲉⲃⲟⲗⲛⲛⲏⲉⲑⲛⲁϣⲱⲡⲓⲙⲙⲟⲓϩⲓⲛⲁⲛⲧⲁϯⲡⲑⲱϣⲙⲡⲁⲏⲓ
ⲁϥⲉⲣⲟⲩⲱⲛϫⲉⲡⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲡⲉϫⲁϥϫⲉⲡⲁϣⲏⲣⲓϯⲟⲓⲛϩⲓⲕⲁⲛⲟⲥⲁⲛⲡⲁⲓϩⲱⲃⲙⲡⲁⲓⲣⲏϯⲕⲁⲧⲁⲫⲣⲏϯⲉⲧⲉⲕⲙⲉⲩⲓⲉⲣⲟⲓ.
ⲁϥⲉⲣⲟⲩⲱⲛϫⲉⲡⲓⲣⲱⲙⲓϫⲉϯⲛⲁϩϯⲉⲡϭⲟⲉⲓⲥϫⲉⲫⲏⲉⲧⲉⲕⲛⲁⲉⲣⲁⲓⲧⲉⲓⲛⲙⲙⲟϥⲛⲧⲟⲧϥϥⲛⲁⲧⲏⲓϥⲛⲁⲕ.
ⲁⲥϣⲱⲡⲓⲉⲧⲁⲣⲟⲩϩⲓϣⲱⲡⲓⲡⲉϫⲉⲡⲓⲉⲡⲓⲥⲕⲟⲡⲟⲥⲛⲓⲥⲁⲁⲕⲡⲉϥⲙⲁⲑⲏⲧⲏⲥϫⲉⲙⲁⲣⲉⲛⲧⲱⲃϩϩⲓⲟⲩⲥⲟⲡⲙⲡⲁⲓⲉϫⲱⲣϩϩⲟⲡⲱⲥⲛⲧⲉⲡϭⲟⲉⲓⲥⲡⲉⲛⲛⲟⲩϯϭⲱⲣⲡⲛⲁⲛⲉⲃⲟⲗⲙⲫⲏⲉⲑⲛⲁϣⲱⲡⲓⲙⲡⲁⲓⲣⲱⲙⲓ.
ⲟⲩⲟϩⲉⲧⲓⲉⲣⲉⲡⲓⲃⲟϩⲓⲉⲣⲁⲧⲟⲩⲉⲩⲧⲱⲃϩϩⲏⲡⲡⲉϧⲉⲛϯⲟⲩⲛⲟⲩⲁⲡⲓⲙⲁⲧⲏⲣϥⲉⲣⲟⲩⲱⲓⲛⲓⲟⲩⲟϩⲙⲡⲉⲡⲓϧⲉⲗⲗⲟϣϫⲉⲙϫⲟⲙⲙϥⲁⲓϧⲁⲡⲓⲟⲩⲱⲓⲛⲓⲁϥϩⲉⲓϩⲓϫⲉⲛⲡⲓⲕⲁϩⲓ.
ⲫⲏⲉⲑⲟⲩⲁⲃⲇⲉⲓⲥⲁⲁⲕⲁϥϣⲱⲡⲓⲉϥⲟⲓⲛⲁⲧⲕⲓⲙϣⲁⲧⲉϥⲉⲣⲑⲉⲱⲣⲉⲓⲛⲙⲡⲓⲟⲩⲱⲓⲛⲓⲛⲧⲉⲡϭⲟⲉⲓⲥϩⲉⲛⲟⲩⲙⲉⲧϫⲱⲣⲓⲁϥⲧⲁⲙⲱⲟⲩⲇⲉⲛϫⲉⲡⲓⲁⲅⲅⲉⲗⲟⲥⲉⲛⲏⲉⲑⲛⲁϣⲱⲡⲓⲙⲡⲓⲣⲱⲙⲓ.
ⲉⲧⲁϥⲧⲱⲛϥⲇⲉⲛϫⲉⲡⲓⲉⲡⲓⲥⲕⲟⲡⲟⲥⲡⲉϫⲁϥⲙⲫⲏⲉⲑⲟⲩⲁⲃϫⲉⲁⲛⲉⲕϩⲃⲏⲟⲩⲓⲉⲑⲛⲁⲛⲉⲩⲉⲣⲛⲓϣϯⲉⲣⲟⲓⲡⲁϣⲏⲣⲓ
ⲁϥⲉⲣⲟⲩⲱϧⲉⲛⲟⲩⲑⲉⲃⲓⲟϫⲉⲫⲛⲟⲩϯⲛⲉⲙⲛⲉⲕϣⲗⲏⲗⲁϥϯϫⲟⲙⲛⲏⲓⲡⲁⲓⲱⲧ
ⲁϥϫⲟⲥⲅⲁⲣⲛϫⲉⲫⲏⲉⲑⲟⲩⲁⲃⲛⲉⲡⲓⲥⲕⲟⲡⲟⲥϫⲉⲉⲑⲃⲉⲡⲉϥⲧⲟⲩⲃⲟⲁϥϥⲁⲓϧⲁⲡⲓϭⲱⲣⲡⲉⲃⲟⲗ
ⲥⲥϧⲏⲟⲩⲧⲅⲁⲣϫⲉⲱⲟⲩⲛⲓⲁⲧⲟⲩⲛⲛⲏⲉⲑⲟⲩⲁⲃϧⲉⲛⲡⲟⲩϩⲏⲧϫⲉⲛⲑⲱⲟⲩⲉⲑⲛⲁⲛⲁⲩⲉⲫⲛⲟⲩϯⲁⲗⲏⲑⲱⲥ
ⲁⲡⲥⲁϫⲓⲙⲡⲓⲥⲱⲧⲏⲣϫⲱⲕⲉⲃⲟⲗⲉϫⲉⲛⲛⲁⲓϩⲁⲅⲓⲟⲥϫⲉⲉϣⲱⲡⲁⲣⲉϣⲁⲛⲃϧⲉⲛⲑⲏⲛⲟⲩϯⲙⲁϯϩⲓϫⲉⲛⲡⲓⲕⲁϩⲓⲉⲑⲃⲉϩⲱⲃⲛⲓⲃⲉⲛⲉⲧⲟⲩⲛⲁⲉⲣⲁⲓⲧⲉⲓⲛⲙⲙⲱⲟⲩⲉⲥⲉϣⲱⲡⲓⲛⲱⲟⲩϩⲓⲧⲉⲛⲡⲁⲓⲱⲧⲉⲧϧⲉⲛⲛⲓⲫⲏⲟⲩⲓ.
ⲡⲁⲓⲣⲏϯⲁϥⲓⲉⲃⲟⲗϩⲓⲧⲟⲧϥⲙⲡⲉϥⲓⲱⲧⲁϥⲧⲁϩⲉⲡⲓϣⲁϥⲉⲫⲏⲉⲧⲉϥⲙⲉⲓⲙⲙⲟϥⲟⲩⲟϩⲛⲁϥϣⲟⲡⲡⲉϧⲉⲛⲡⲓⲙⲟⲛⲁⲥⲧⲏⲣⲓⲟⲛⲛⲉⲙⲛⲓⲥⲛⲏⲟⲩⲉϥϣⲟⲡⲛⲱⲟⲩⲛⲥⲟⲗⲥⲉⲗⲉⲩϫⲟⲩϣⲧⲉⲣⲟϥⲙⲫⲣⲏϯⲛⲟⲩⲓⲁⲗ
ⲟⲩⲟϩⲛⲁϥⲭⲏⲛⲧⲟⲧⲟⲩⲙⲫⲣⲏϯⲛⲟⲩⲁⲅⲅⲉⲗⲟⲥⲛⲧⲉⲫⲛⲟⲩϯⲉϥϯⲛⲟⲙϯⲛⲱⲟⲩⲉϥⲑⲱϩⲉⲙⲙⲙⲱⲟⲩⲉϧⲟⲩⲛⲉⲡⲓⲁⲅⲱⲛ.
ⲟⲩⲟϩⲛⲉⲧⲉϥⲥⲩⲛⲏⲑⲉⲓⲁⲇⲉⲑⲁⲓⲉϣⲱⲡⲛⲧⲉϥⲓⲉⲛⲓⲉϩⲟⲟⲩⲛⲧⲉⲡⲓϩⲙⲉⲉⲑⲟⲩⲁⲃϣⲁϥⲉⲣⲁⲛⲁⲭⲱⲣⲉⲓⲛϧⲉⲛⲟⲩⲕⲟⲩϫⲓⲙⲙⲁⲛϣⲱⲡⲓⲥⲁⲃⲟⲗⲙⲡⲓⲙⲟⲛⲁⲥⲧⲏⲣⲓⲟⲛⲉϥⲉⲣⲁⲡⲁⲛⲧⲁⲛⲉⲣⲱⲙⲓⲁⲛ.
ⲁⲥϣⲱⲡⲓⲉⲧⲁⲩϩⲓⲕⲟⲧⲉⲣⲟϥⲛⲟⲩⲥⲟⲡⲛϫⲉⲁⲃⲃⲁⲁⲃⲣⲁⲁⲙⲛⲉⲙⲁⲃⲃⲁⲅⲉⲱⲣⲅⲓⲟⲥⲛⲓⲛⲓϣϯⲛⲁⲥⲕⲏⲧⲏⲥ
ⲉⲧⲁⲩⲓϣⲁⲣⲟϥⲁⲩⲭⲱϧⲁⲧⲟⲧϥⲛⲛⲟⲩⲙⲉⲩⲓⲁⲩϫⲉⲙϩⲏⲟⲩⲉⲙⲁϣⲱ
ⲟⲩⲟϩⲉⲧⲁⲩϫⲟⲩϣⲧⲉϧⲟⲩⲛⲉⲡⲉϥⲙⲁⲛϣⲱⲡⲓⲙⲡⲟⲩⲛⲁⲩⲉϩⲗⲓⲉⲃⲏⲗⲉϩⲁⲛⲕⲟⲩϫⲓⲛⲱⲓⲕⲛⲉⲙⲟⲩⲕⲟⲩϫⲓⲛϩⲙⲟⲩⲁⲩⲉⲣϣⲫⲏⲣⲓⲙⲡⲉϥⲁⲙⲟⲛⲓⲛⲧⲟⲧϥ.
ⲁⲩϣⲉⲛϥϫⲉⲡⲉⲛⲓⲱⲧⲁⲕⲟⲩⲉⲙⲟⲩⲛⲛⲁⲓⲉϩⲟⲟⲩ.
ⲁϥⲉⲣⲟⲩⲱⲛⲁⲩϫⲉⲫⲏⲉⲧⲉⲛⲓⲥⲛⲏⲟⲩⲟⲩⲱⲙⲙⲙⲟϥ.
ⲡⲉϫⲱⲟⲩⲛⲁϥϫⲉⲧⲉⲛⲛⲁⲩⲉϩⲗⲓⲁⲛⲉⲃⲏⲗⲉⲱⲓⲕϩⲓϩⲙⲟⲩ
ⲡⲉϫⲁϥⲛⲱⲟⲩϫⲉⲫⲁⲓⲡⲉⲉⲧⲉⲛⲓⲥⲛⲏⲟⲩⲟⲩⲱⲙⲙⲙⲟϥ.
ⲁⲩϯϩⲟⲉⲣⲟϥϫⲉⲛⲧⲉⲛⲓⲛⲓⲛⲁⲕⲛϩⲁⲛⲕⲟⲩϫⲓⲛϫⲱⲓⲧ.
ⲛⲑⲟϥⲇⲉⲙⲡⲉϥⲉⲣⲁⲛⲉⲭⲉⲥⲑⲁⲓⲛⲱⲟⲩⲉϥϫⲱⲙⲙⲟⲥϫⲉⲡⲉⲧⲥϣⲉⲛⲏⲓⲡⲉⲛⲧⲁϣⲉⲡϩⲁⲛⲕⲟⲩϫⲓⲛϧⲓⲥⲓⲛϩⲟⲩⲟⲉϩⲟⲧⲉⲛⲓⲥⲛⲏⲟⲩ.
ⲟⲩⲟϩⲉⲧⲁⲩⲓⲉⲃⲟⲗϩⲓⲧⲟⲧϥⲁⲩⲥⲁϫⲓϧⲁⲧⲟⲧⲟⲩⲛⲟⲩⲟⲛⲛⲓⲃⲉⲛⲉⲑⲃⲉⲛⲉϥⲁⲥⲕⲏⲥⲓⲥ.
ⲟⲩⲟϩⲛⲁⲣⲉⲟⲩⲟⲛⲟⲩⲛⲓϣϯⲛϣⲉⲛⲛⲟⲩϥⲓⲛⲧⲁϥϧⲁⲧⲉⲛⲟⲩⲟⲛⲛⲓⲃⲉⲛⲛⲉⲙⲧⲭⲱⲣⲁⲛⲭⲏⲙⲓⲕⲁⲧⲁⲡⲥⲁϫⲓⲙⲡⲓⲉⲩⲁⲅⲅⲉⲗⲓⲟⲛⲉⲑⲟⲩⲁⲃϫⲉⲙⲙⲟⲛⲟⲩⲃⲁⲕⲓⲛⲁⲭⲱⲡⲉⲥⲭⲏϩⲓϫⲉⲛⲟⲩⲧⲱⲟⲩⲟⲩⲇⲉⲙⲡⲁⲩϭⲉⲣⲉⲟⲩϧⲏⲃⲥⲛⲥⲉⲭⲁϥϧⲁⲟⲩⲙⲉⲛⲧⲁⲗⲗⲁϣⲁⲩⲭⲁⲓϩⲓϫⲉⲛϯⲗⲩⲭⲛⲓⲁⲛⲧⲉϥⲉⲣⲟⲩⲱⲓⲛⲓⲉⲛⲏⲉⲧϧⲉⲛⲡⲓⲏⲓ.
ⲕⲁⲓⲧⲟⲓⲁⲩϩⲓⲧⲟⲧⲟⲩⲛⲟⲩⲙⲏϣⲛⲥⲟⲡⲉⲑⲣⲟⲩⲁⲓϥⲛⲉⲡⲓⲥⲕⲟⲡⲟⲥⲟⲩⲟϩϧⲉⲛⲟⲩⲙⲉⲧⲁⲧⲣⲱⲟⲩϣⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲥⲣⲱϥⲧⲁⲣⲓⲉⲙⲓϫⲉⲁⲛⲟⲕⲡⲉⲫⲛⲟⲩϯ.
ⲁⲥϣⲱⲡⲓⲇⲉⲟⲛϧⲉⲛⲛⲓⲉϩⲟⲟⲩⲛⲧⲉⲡⲓϩⲙⲉⲉⲑⲟⲩⲁⲃⲛⲧⲉⲡⲉⲛⲟⲩϫⲁⲓⲁⲫⲏⲉⲑⲟⲩⲁⲃⲓⲥⲁⲁⲕϣⲉⲛⲁϥⲉⲃⲟⲗⲉⲡⲓⲕⲟⲩϫⲓⲙⲙⲁⲛϣⲱⲡⲓⲕⲁⲧⲁⲧⲉϥⲥⲩⲛⲏⲑⲉⲓⲁⲁⲩⲉⲣⲡⲱⲃϣⲛϫⲉⲛⲓⲥⲛⲏⲟⲩⲙⲡⲟⲩⲉⲗⲱⲓⲕⲛⲁϥ.
ⲉⲧⲁϥⲉⲣⲡⲓⲉϩⲟⲟⲩⲛϩⲟⲩⲓⲧⲛⲉⲙⲡⲓⲙⲁϩⲃⲛⲉⲙⲡⲓⲙⲁϩⲅϣⲁⲡⲓⲙⲁϩⲉⲛⲉϩⲟⲟⲩⲉϥⲭⲏⲛⲁⲑⲟⲩⲱⲙ
ϧⲉⲛⲡⲓⲙⲁϩⲉⲛⲉϩⲟⲟⲩⲛⲧⲉⲧⲉϥⲙⲉⲧⲁⲧⲟⲩⲱⲙⲁϥϫⲟⲩϣⲧⲁϥⲛⲁⲩⲉⲟⲩⲛⲓϣϯⲙⲡⲗⲁⲝⲛⲱⲓⲕⲉⲥⲭⲏⲉϧⲣⲏⲓⲙⲡⲉϥⲙⲑⲟϩⲱⲥⲓⲥϫⲉⲕⲉⲧⲁⲩⲉⲛⲥⲉⲃⲟⲗϧⲉⲛⲡⲓϭⲣⲱⲡϧⲉⲛϯⲟⲩⲛⲟⲩ
ⲟⲩⲟϩⲁϥⲧⲱⲛϥⲁϥϯⲛⲟⲩⲡⲣⲟⲥⲉⲩⲭⲏⲉϥϣⲉⲡϩⲙⲟⲧⲛⲧⲉⲛⲫⲛⲟⲩϯⲁϥϭⲓⲛⲟⲩⲕⲟⲩϫⲓⲉⲃⲟⲗϧⲉⲛⲡⲓⲱⲓⲕⲁϥⲟⲩⲱⲙ.
ⲡⲉϥⲣⲁⲥϯⲇⲉⲁϥⲉⲛⲡⲓⲕⲉⲥⲱϫⲡⲉⲡⲓⲙⲟⲛⲁⲥⲧⲏⲣⲓⲟⲛⲁϥϯⲛⲛⲓⲥⲛⲏⲟⲩⲁⲩⲟⲩⲱⲙ.
ⲁⲩϣⲉⲛϥⲛϫⲉⲛⲓⲥⲛⲏⲟⲩⲉⲩϫⲱⲙⲙⲟⲥϫⲉⲉⲧⲁⲕϫⲉⲙⲡⲁⲓⲱⲓⲕⲉⲧϫⲏⲛⲛⲑⲱⲛ.
ⲛⲑⲟϥⲇⲉⲁϥϩⲉⲡⲡⲓϩⲱⲃⲉⲣⲱⲟⲩⲉϥϫⲱⲙⲙⲟⲥϫⲉⲁⲩⲉⲛϥⲛⲏⲓⲉⲃⲟⲗϧⲉⲛⲭⲏⲙⲓ.
ⲉⲧⲁⲩϣⲉⲛⲛⲟⲩⲉⲣⲏⲟⲩϫⲉⲁⲛⲁⲟⲩⲟⲛϧⲉⲛⲑⲏⲛⲟⲩⲛⲧⲁⲓϩⲉⲃⲇⲟⲙⲁⲥⲉⲗⲱⲓⲕⲛⲁϥⲙⲡⲟⲩϫⲉⲙⲟⲩⲟⲛⲉⲁⲩⲱⲗⲓⲛⲁϥ
ⲁⲩⲉⲙⲓⲥⲁⲧⲟⲧⲟⲩϫⲉⲟⲩⲉⲃⲟⲗϩⲓⲧⲉⲛⲫⲛⲟⲩϯⲡⲉⲡⲓϩⲱⲃⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉϩⲏⲡⲡⲉⲛⲏⲉⲧⲟⲓⲙⲃⲱⲕⲛⲏⲓⲉⲩⲉⲥⲓⲛⲑⲱⲧⲉⲛⲉⲣⲉⲧⲉⲛⲉϩⲕⲟⲟⲩⲟϩⲛⲏⲉⲧⲟⲓⲙⲃⲱⲕⲛⲏⲓⲉⲩⲉⲥⲱⲛⲑⲱⲧⲉⲛⲇⲉⲉⲣⲉⲧⲉⲛⲉⲓⲃⲓⲟⲩⲟϩⲟⲛⲉϣⲱⲡⲛⲧⲉⲧⲉⲛⲥⲱⲧⲉⲙⲛⲥⲱⲓⲡⲓⲁⲅⲁⲑⲟⲛⲛⲧⲉⲡⲓⲕⲁϩⲓⲉⲣⲉⲧⲉⲛⲉⲟⲩⲟⲙⲟⲩ.
ⲙⲏⲧⲁⲓϣⲫⲏⲣⲓⲟⲩⲟⲧⲉⲃⲣⲱⲉⲑⲁⲡⲓⲡⲣⲟⲫⲏⲧⲏⲥⲉⲧⲟⲩⲁϧⲏⲗⲓⲁⲥⲙⲉⲛⲉⲛⲥⲁⲉⲧⲟⲩⲉⲛⲱⲓⲕⲛⲁϥⲉⲃⲟⲗϧⲉⲛⲧⲫⲉϩⲓⲧⲉⲛⲡⲓⲁⲅⲅⲉⲗⲟⲥϧⲉⲛⲡϫⲓⲛⲑⲣⲉϥϧⲱⲧⲉⲃⲛⲛⲓⲡⲣⲟⲫⲏⲧⲏⲥⲛⲧⲉⲡϣⲓⲡⲓ.
ⲁⲥϣⲱⲡⲓⲇⲉⲟⲛⲛⲟⲩⲉϩⲟⲟⲩⲁϥⲓϣⲁⲣⲟϥⲛϫⲉⲱⲣⲓⲱⲛⲡⲓⲉⲡⲓⲥⲕⲟⲡⲟⲥⲛⲧⲉⲥⲁⲓⲉⲧⲓⲉϥⲟⲓⲛⲁⲛⲁⲅⲛⲱⲥⲧⲏⲥⲙⲡⲁⲧϥⲉⲣⲉⲡⲓⲥⲕⲟⲡⲟⲥⲉⲑⲣⲉϥϭⲓⲥⲙⲟⲩⲉⲃⲟⲗϩⲓⲧⲟⲧϥ
ⲛⲉϯϩⲉⲃⲇⲟⲙⲁⲥⲛⲧⲉⲡⲓⲡⲁⲥⲭⲁⲡⲉⲡⲉⲧⲉϥⲥⲩⲛⲏⲑⲉⲓⲁⲧⲉⲉϣⲧⲉⲙⲑⲣⲉϥϩⲉⲙⲥⲓⲉⲡⲧⲏⲣϥϧⲉⲛⲡⲓⲡⲁⲥⲭⲁⲁⲗⲗⲁⲉϥⲟϩⲓⲉⲣⲁⲧϥⲉϥⲉⲣϩⲱⲃⲛϫⲓϫ.
ⲉⲧⲁϥⲓϣⲁⲣⲟϥⲁϥⲱⲗⲓⲙⲡⲓϣⲛⲉⲛⲧⲟⲧϥⲁϥⲉⲣϩⲱⲃⲉⲣⲟϥ.
ⲡⲉϫⲉⲡⲓⲁⲗⲟⲩⲛⲁϥϫⲉⲡⲁⲓⲱⲧⲉⲓⲟⲩⲱϣⲉⲉⲣⲙⲟⲛⲁⲭⲟⲥⲟⲩⲟϩⲛⲓⲉⲣⲙⲱⲟⲩⲓⲛⲧⲉⲡⲁⲓⲱⲧⲭⲱⲙⲙⲟⲓⲁⲛ.
ⲟⲩⲟϩⲁⲡⲓϩⲁⲅⲓⲟⲥϭⲓⲟⲩⲥⲣⲟⲙⲛϩⲓⲛⲓⲙⲁϥⲧⲱⲛϥⲉⲡϣⲱⲓⲥⲁⲧⲟⲧϥⲡⲉϫⲁϥⲛⲁϥϫⲉⲱⲣⲓⲱⲛⲙⲙⲟⲛϣϫⲟⲙⲙⲙⲟⲕⲉⲉⲣⲙⲟⲛⲁⲭⲟⲥ.
ⲉⲧⲁⲡⲓⲁⲗⲟⲩⲥⲱⲧⲉⲙⲉⲡⲓⲥⲁϫⲓⲛⲧⲟⲧϥⲁϥⲉⲣϩⲟϯ
ⲡⲉϫⲁϥⲛⲁϥϫⲉⲙⲡⲣⲉⲣϩⲟϯⲁⲗⲗⲁⲙⲁϣⲉⲛⲁⲕⲥⲱⲧⲉⲙⲛⲥⲁⲡⲉⲕⲓⲱⲧϣⲁⲧⲉϥⲙⲧⲟⲛⲙⲙⲟϥⲫⲏⲉⲧⲁϥⲥⲁϫⲓⲛⲉⲙⲏⲓϯⲛⲟⲩⲁϥⲧⲁⲙⲟⲓϫⲉⲙⲉⲛⲉⲛⲥⲁⲑⲣⲉϥⲙⲟⲩⲛϫⲉⲡⲉⲕⲓⲱⲧϩⲱϯⲉⲣⲟⲕⲡⲉⲛⲧⲉⲕⲓⲉⲟⲩⲧⲁⲝⲓⲥⲉⲥϭⲟⲥⲓⲉϥϯⲙⲏⲓⲛⲓⲉϯⲙⲉⲧⲉⲡⲓⲥⲕⲟⲡⲟⲥⲉⲧⲁϥⲉⲣⲡⲉⲙⲡϣⲁⲙⲙⲟⲥ.
ⲛⲁⲓⲇⲉⲉⲧⲁⲡⲓⲁⲗⲟⲩⲥⲱⲧⲉⲙⲉⲣⲱⲟⲩⲛⲧⲟⲧϥⲙⲫⲏⲉⲑⲟⲩⲁⲃⲁϥⲓⲉⲃⲟⲗϩⲓⲧⲟⲧϥⲁϥϩⲱⲗⲓⲉⲡⲉϥⲏⲓϧⲉⲛⲟⲩϩⲉⲓⲣⲏⲛⲏⲉϥϯⲱⲟⲩⲙⲫⲛⲟⲩϯⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲛⲓⲡⲛⲉⲩⲙⲁⲛⲧⲉⲛⲓⲡⲣⲟⲫⲏⲧⲏⲥϣⲁⲩϭⲛⲉϫⲱⲟⲩⲛⲛⲓⲡⲣⲟⲫⲏⲧⲏⲥ.
ⲙⲉⲛⲉⲛⲥⲁⲛⲁⲓⲁϥϣⲱⲛⲓⲛϫⲉⲡⲉϥⲓⲱⲧⲙⲡⲛⲉⲩⲙⲁⲧⲓⲕⲟⲛⲁⲃⲃⲁⲍⲁⲭⲁⲣⲓⲁⲥⲡⲓⲉⲡⲓⲥⲕⲟⲡⲟⲥⲉⲑⲟⲩⲁⲃϧⲉⲛⲡⲓϣⲱⲛⲓⲉⲧⲉϥⲛⲁⲙⲟⲩⲛϧⲏⲧϥⲟⲩⲟϩϩⲱⲥⲉⲁⲫⲛⲟⲩϯⲉⲣϣⲟⲣⲡⲛⲧⲁⲙⲟϥⲁϥⲓⲉⲡⲉϥⲙⲟⲛⲁⲥⲧⲏⲣⲓⲟⲛ.
ⲫⲏⲉⲑⲟⲩⲁⲃⲇⲉⲓⲥⲁⲁⲕⲛⲁϥϣⲉⲙϣⲓⲙⲙⲟϥⲡⲉϧⲉⲛⲡⲓϣⲱⲛⲓ.
ⲉⲧⲁϥⲛⲟⲩⲓⲇⲉⲉⲉⲙⲧⲟⲛⲙⲙⲟϥⲁϥⲙⲟⲩϯⲉⲛⲉϥϣⲏⲣⲓⲙⲫⲣⲏϯⲙⲡⲓⲡⲁⲧⲣⲓⲁⲣⲭⲏⲥⲓⲁⲕⲱⲃⲟⲩⲟϩⲉⲧⲁϥⲥⲙⲟⲩⲉⲣⲱⲟⲩⲧⲏⲣⲟⲩⲡⲉϫⲁϥⲙⲫⲏⲉⲑⲟⲩⲁⲃⲓⲥⲁⲁⲕϫⲉⲡⲁϣⲏⲣⲓⲉϣⲱⲡⲁⲕϣⲁⲛϭⲓⲥⲓⲁⲣⲓⲫⲙⲉⲩⲓⲛⲛⲉⲕⲥⲛⲏⲟⲩ.
ⲫⲁⲓⲉⲧⲁϥϫⲟϥⲉϥϯⲙⲏⲓⲛⲓⲉⲡⲓϩⲙⲟⲧⲉⲑⲛⲁⲧⲁϩⲣⲟϥ.
ⲉⲧⲁϥⲕⲏⲛⲇⲉⲉϥϩⲟⲛϩⲉⲛⲉⲧⲟⲧⲟⲩⲛⲛⲉϥϣⲏⲣⲓⲁϥϯⲙⲡⲉϥⲡⲛⲉⲩⲙⲁⲉⲛⲉⲛϫⲓϫⲙⲡϭⲟⲉⲓⲥⲉⲩϩⲉⲙⲥⲓⲙⲡⲉϥⲕⲱϯⲛϫⲉϩⲁⲛⲛⲓϣϯⲛϩⲁⲅⲓⲟⲥⲛⲧⲉϣⲓⲏⲧ.
ⲉⲧⲁⲩⲕⲟⲥϥϧⲉⲛⲟⲩⲛⲓϣϯⲛⲧⲁⲓⲟⲁⲩⲭⲁϥϧⲁⲧⲉⲛⲛⲉϥⲓⲟϯⲕⲁⲓⲅⲁⲣⲥⲉⲓⲣⲓⲙⲡⲉϥⲙⲉⲩⲓⲛⲉⲙⲛⲓϣⲫⲏⲣⲓⲉⲧⲁϥⲁⲓⲧⲟⲩϧⲉⲛⲡⲉϥⲱⲛϧ
ⲁⲩϫⲟⲥⲟⲛⲉⲑⲃⲏⲧϥϫⲉⲉⲣⲉⲟⲩⲟⲛⲟⲩⲙⲁⲑⲏⲧⲏⲥⲛⲧⲟϥⲡⲉⲁϥⲉⲣϫⲱⲃⲛⲟⲩⲱⲓⲛⲓⲉⲧⲁϥⲓϩⲁⲡⲓϧⲉⲗⲗⲟⲁϥⲭⲁⲛⲉϥϫⲓϫⲉϫⲱϥⲥⲁⲧⲟⲧϥⲁϥⲛⲁⲩⲙⲃⲟⲗⲁϥϯⲱⲟⲩⲙⲫⲛⲟⲩϯⲁϥϣⲱⲡⲓϧⲁⲡϭⲛⲉϫⲱϥⲛⲧⲉⲡⲉϥⲉⲓⲱⲧϣⲁⲡⲓⲉϩⲟⲟⲩⲛⲧⲉⲡⲉϥⲙⲟⲩ.
ⲛⲉⲟⲩⲟⲛⲕⲉⲥⲩⲅⲅⲉⲛⲏⲥⲛⲧⲁϥⲟⲛϧⲉⲛⲡⲓⲕⲟⲥⲙⲟⲥⲁⲥϣⲱⲡⲓⲙⲙⲟϥⲉⲑⲣⲉϥⲓⲉϧⲣⲏⲓⲉⲡⲁⲓϣⲱⲛⲓⲛⲟⲩⲱⲧⲉⲧⲉϯⲙⲉⲧⲃⲉⲗⲗⲉⲧⲉ.
ⲉⲧⲁϥⲥⲱⲧⲉⲙⲉⲑⲃⲏⲧϥⲁϥⲉⲣⲙⲕⲁϩⲉⲙⲁϣⲱ
ⲉⲧⲁϥⲟⲩⲱⲣⲡⲇⲉⲛⲥⲱϥⲁϥⲓϣⲁⲣⲟϥⲉⲡⲓⲧⲱⲟⲩⲛⲧⲉϣⲓⲏⲧⲟⲩⲟϩⲉⲧⲁϥⲓϧⲁⲡⲓϧⲉⲗⲗⲟⲉⲑⲟⲩⲁⲃⲛϫⲉⲡⲓⲥⲟⲛⲉⲧⲁϥⲛⲁⲩⲙⲃⲟⲗⲁϥϯϩⲟⲉⲣⲟϥⲉϥϫⲱⲙⲙⲟⲥϫⲉⲙⲡⲓⲣⲏϯⲉⲧⲁⲫⲛⲟⲩϯⲛⲉⲙⲁⲕⲛⲁⲓⲛⲏⲓⲛⲁⲓϧⲁⲡⲁⲥⲟⲛ.
ⲉⲧⲁϥⲛⲁⲩⲇⲉⲉⲣⲱⲟⲩⲛϫⲉⲡⲓϧⲉⲗⲗⲟⲉⲑⲟⲩⲁⲃⲉⲩⲣⲓⲙⲓⲙⲡⲓⲃⲁϥⲉⲣⲙⲕⲁϩⲛϩⲏⲧⲉⲙⲁϣⲱⲉⲧⲁϥϯⲛⲱⲟⲩⲉⲃⲟⲗϧⲉⲛⲛⲓⲙⲩⲥⲧⲏⲣⲓⲟⲛⲉⲑⲟⲩⲁⲃⲁϥϭⲓⲛϯⲙⲁⲡⲡⲁⲉⲛⲁϥⲁⲙⲟⲛⲓⲙⲡⲓⲡⲟⲧⲏⲣⲓⲟⲛⲛϧⲏⲧⲥⲁϥϥⲱϯⲙⲙⲟⲥⲉϧⲟⲩⲛϧⲉⲛⲡϩⲟⲙⲡⲓⲣⲱⲙⲓ.
ⲥⲁⲧⲟⲧϥϧⲉⲛϯⲟⲩⲛⲟⲩⲁϥⲛⲁⲩⲙⲃⲟⲗϩⲱⲥⲓⲥϫⲉⲕⲙⲡⲉϥϣⲱⲛⲓⲉⲡⲧⲏⲣϥⲟⲩⲟϩⲁϥϩⲓⲧϥⲉϧⲣⲏⲓⲁϥⲟⲩⲱϣⲧⲙⲙⲟϥⲁϥϩⲱⲗⲉⲡⲉϥⲏⲓⲉϥϯⲱⲟⲩⲙⲫⲛⲟⲩϯⲫⲏⲉⲧⲓⲣⲓⲛⲛⲉϥⲫⲏⲣⲓ
ⲛⲉⲟⲩⲟⲛⲟⲩⲣⲱⲙⲓⲇⲉⲟⲛⲉϥϣⲟⲛϧⲉⲛϯⲡⲟⲗⲓⲥⲥⲁⲓⲉⲡⲉϥⲣⲁⲛⲡⲉⲅⲉⲱⲣⲅⲓⲟⲥⲛⲉⲟⲩϧⲉⲗϣⲓⲣⲓⲡⲉⲛϫⲱⲣⲓ
ⲁⲡⲓⲇⲓⲁⲃⲟⲗⲟⲥⲑⲣⲉϥϩⲉⲓϧⲉⲛⲟⲩⲡⲁⲣⲁⲡⲧⲱⲙⲁⲙⲡⲉϩⲗⲓⲉⲙⲓⲉⲃⲏⲗⲉⲫⲛⲟⲩϯⲙⲙⲁⲩⲁⲧϥⲫⲁⲓⲉⲧⲥⲱⲟⲩⲛⲛⲛⲏⲉⲧϩⲏⲡⲛⲉⲙⲛⲏⲉⲧⲟⲩⲟⲛϩⲟⲩⲟϩⲥⲁⲧⲟⲧϥⲁⲫⲛⲟⲩϯϭⲓⲙⲡϣⲓϣⲙⲙⲟϥⲕⲁⲧⲁⲫⲣⲏϯⲉⲧⲥⲏⲟⲩⲧϧⲉⲛⲇⲁⲩⲓⲇϫⲉⲁⲩⲧⲁϩⲉⲡⲓⲣⲉϥⲉⲣⲛⲟⲃⲓϧⲉⲛⲛⲓϩⲃⲏⲟⲩⲓⲛⲧⲉⲛⲉϥϫⲓϫ
ⲟⲩⲟϩⲉⲧⲁⲩⲧⲱⲟⲩⲛⲟⲩⲛϩⲁⲛⲁⲧⲟⲟⲩⲓⲁⲩϫⲉⲙⲡⲓⲁⲗⲟⲩⲉϥⲉⲛⲕⲟⲧⲉϥⲥⲏⲧⲙⲫⲣⲏϯⲛⲟⲩⲣⲉϥⲙⲱⲟⲩⲧ.
ⲁⲩⲧⲱⲟⲩⲛⲟⲩⲇⲉⲙⲙⲟϥⲛϫⲉⲛⲉϥⲓⲟϯⲁⲩⲉⲛϥⲉⲫⲙⲁⲙⲡⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲁⲃⲃⲁⲍⲁⲭⲁⲣⲓⲁⲥ
ⲉⲧⲁⲩⲉⲣⲁⲡⲁⲛⲧⲁⲛⲇⲉⲉⲣⲟϥⲁⲩϩⲓⲧⲟⲩⲉϧⲣⲏⲓⲁⲩⲟⲩⲱϣⲧⲙⲙⲟϥⲉⲩⲣⲓⲙⲓⲉⲩϫⲱⲙⲙⲟⲥϫⲉⲧⲉⲛϯϩⲟⲉⲧⲉⲕⲁⲅⲓⲟⲥⲩⲛⲏⲉⲑⲣⲉⲕϯϩⲟⲉⲡϭⲟⲉⲓⲥⲉⲑⲃⲉⲡⲉⲛϣⲏⲣⲓⲉⲑⲣⲉϥⲟⲩϫⲁⲓ.
ⲁϥϣⲉⲛⲟⲩⲇⲉⲟⲩⲡⲉⲉⲧⲁϥϣⲱⲡⲓⲙⲙⲟϥ.
ⲡⲉϫⲱⲟⲩϫⲉⲧⲉⲛⲉⲙⲓⲁⲛ.
ⲛⲑⲟϥⲇⲉⲁⲫⲛⲟⲩϯⲕⲏⲛⲉⲧⲁⲙⲟϥⲙⲡⲁⲧⲟⲩⲓϣⲁⲣⲟϥ.
ⲁϥⲧⲱⲛϥⲛϯⲟⲩⲛⲟⲩⲁϥⲧⲱⲃϩⲉϧⲣⲏⲓⲉϫⲱϥⲥⲁⲧⲟⲧϥⲁϥⲟⲩϫⲁⲓϩⲱⲥϫⲉⲙⲡⲉϥϣⲱⲛⲓⲉⲡⲧⲏⲣϥ.
ⲡⲉϫⲉⲡⲓⲉⲡⲓⲥⲕⲟⲡⲟⲥⲛⲁϥϫⲉⲁⲣⲉϩⲉⲣⲟⲕⲥⲁⲃⲟⲗⲙⲡⲓⲛⲟⲃⲓⲉⲧⲁⲕⲁⲓϥⲙⲡⲣⲁⲓϥϫⲉϫⲉⲛⲛⲉⲡⲉⲧϩⲱⲟⲩⲫⲁⲓϣⲱⲡⲓⲙⲙⲟⲕ.
ⲟⲩⲟϩⲉⲧⲁⲩⲥⲱⲧⲉⲙⲉⲛⲁⲓⲛϫⲉⲛⲉϥⲓⲟϯⲁⲩⲉⲣϣⲫⲏⲣⲓⲁⲩⲉⲙⲓⲁⲛⲉⲛⲏⲉⲧⲁⲡⲟⲩϣⲏⲣⲓⲁⲓⲧⲟⲩⲟⲩⲟϩⲁⲩϯϩⲟⲉⲡⲓϩⲗⲗⲟⲉⲑⲟⲩⲁⲃϫⲉⲧⲉⲛⲛⲁⲁⲣⲉϩⲉϩⲱⲃⲛⲓⲃⲉⲛⲉⲧⲁⲕϫⲟⲧⲟⲩⲛⲁⲛ.
ⲁⲩⲓⲉⲃⲟⲗϩⲓⲧⲟⲧϥⲉⲩϯⲱⲟⲩⲙⲫⲛⲟⲩϯⲟⲩⲟϩⲛⲁϥⲧⲁⲓⲏⲟⲩⲧⲛⲧⲟⲧⲟⲩⲛⲟⲩⲟⲛⲛⲓⲃⲉⲛ
ⲉⲩϯⲱⲟⲩⲛⲁϥⲙⲫⲣⲏϯⲛⲛⲓⲁⲡⲟⲥⲧⲟⲗⲟⲥⲉⲑⲟⲩⲁⲃⲙⲡⲉⲭⲣⲓⲥⲧⲟⲥ.
ⲁⲥϣⲱⲡⲓⲇⲉⲙⲉⲛⲉⲛⲥⲁⲟⲩⲁⲃⲟⲧⲛⲉϩⲟⲟⲩⲓⲥϫⲉⲛⲉⲧⲁⲡⲉϥⲓⲱⲧⲙⲟⲩⲉϥϣⲟⲡϧⲉⲛⲟⲩⲛⲓϣϯⲛⲉⲙⲕⲁϩⲛϩⲏⲧⲉⲑⲃⲉⲡⲉϥϫⲓⲛⲫⲱⲣϫⲉⲃⲟⲗϧⲉⲛⲡⲁⲓⲕⲟⲥⲙⲟⲥⲛⲉⲫⲗⲏⲟⲩ
ⲟⲩⲟϩⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲁⲃⲃⲁⲓⲱⲁⲛⲛⲏⲥⲧⲱⲃϩⲙⲫⲛⲟⲩϯⲉⲑⲣⲉϥϭⲱⲣⲡⲛⲁϥⲉⲃⲟⲗϫⲉⲛⲓⲙⲉⲑⲛⲁⲉⲣⲡⲉⲙⲡϣⲁⲛⲓⲙⲉⲛⲉⲛⲥⲱϥⲛⲧⲉϥⲁⲙⲟⲛⲓⲛϯⲉⲕⲕⲗⲏⲥⲓⲁⲉⲑⲟⲩⲁⲃ.
ⲁⲩⲧⲟⲩⲛⲓⲁⲧϥⲉⲃⲟⲗϧⲉⲛⲟⲩϩⲟⲣⲁⲙⲁⲉⲩϫⲱⲙⲙⲟⲥⲛⲁϥϫⲉⲟⲩⲱⲣⲡⲉϣⲓⲏⲧⲉⲡⲓⲙⲟⲛⲁⲥⲧⲏⲣⲓⲟⲛⲛⲧⲉⲁⲃⲃⲁⲍⲁⲭⲁⲣⲓⲁⲥⲛⲥⲁⲓⲥⲁⲁⲕⲡⲓⲙⲟⲛⲁⲭⲟⲥⲛⲁⲥⲕⲏⲧⲏⲥⲛⲑⲟϥⲉⲑⲛⲁϣⲱⲡⲓⲛⲁϥⲛⲇⲓⲁⲇⲟⲭⲟⲥ.
ⲥⲁⲧⲟⲧϥⲉⲧⲁϥⲧⲱⲛϥⲛϣⲟⲣⲡⲁϥⲟⲩⲱⲣⲡⲛⲥⲱϥ.
ⲉⲧⲁϥⲓⲇⲉϣⲁⲣⲟϥⲙⲡⲉϥⲭⲁϥⲉⲥⲉⲛϥⲉⲃⲟⲗϣⲁⲡⲓⲉϩⲟⲟⲩⲉⲧⲁϥⲙⲧⲟⲛⲙⲙⲟϥ.
ⲁⲥϣⲱⲡⲓϧⲉⲛⲛⲓⲉϩⲟⲟⲩⲉⲧⲉⲙⲙⲁⲩⲁϥⲟⲩⲱⲣⲡⲛⲥⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲛϫⲉⲡⲟⲩⲣⲟⲉⲑⲣⲉϥⲉⲣⲁⲡⲁⲛⲧⲁⲛⲉⲣⲟϥ
ⲕⲁⲓⲅⲁⲣⲛⲉϣⲁϥⲉⲣⲫⲁⲓⲛⲟⲩⲙⲏϣⲛⲥⲟⲡⲉϥⲓⲛⲓⲙⲡⲓⲁⲣⲭⲓⲉⲡⲓⲥⲕⲟⲡⲟⲥϣⲁⲣⲟϥⲉⲑⲃⲉⲧⲉϥⲁⲅⲁⲡⲏⲉϧⲟⲩⲛⲉⲣⲟϥ
ⲫⲣⲁⲛⲇⲉⲙⲡⲓⲟⲩⲣⲟⲉⲧⲉⲙⲙⲁⲩⲡⲉⲁⲃⲇⲉⲗⲁⲍⲓⲍⲟⲩⲟϩϣⲁⲩⲙⲟⲩϯⲉⲣⲟϥⲟⲛϫⲉⲁⲗⲁⲙⲏⲣ.
ⲉⲛⲁⲩⲟⲓⲛⲭⲁⲣⲧⲟⲗⲁⲣⲓⲟⲥⲛⲁϥⲛϫⲉⲣⲱⲙⲓⲃⲙⲙⲁⲓⲛⲟⲩϯⲉⲧⲉⲁⲑⲁⲛⲁⲥⲓⲟⲥⲡⲉⲛⲉⲙⲓⲥⲁⲁⲕⲛⲉⲙⲛⲟⲩϣⲏⲣⲓⲟⲩⲟϩⲛⲁⲣⲉⲡⲓⲡⲣⲁⲓⲧⲱⲣⲓⲟⲛⲧⲏⲣϥⲙⲉϩⲛⲭⲣⲓⲥⲧⲓⲁⲛⲟⲥ.
ⲕⲁⲓⲅⲁⲣϧⲉⲛⲧⲉϥⲁⲣⲭⲏⲉⲧⲁϥⲓⲉⲭⲏⲙⲓⲁϥϩⲓⲧⲟⲧϥⲉⲉⲣⲡⲉⲧϩⲱⲟⲩⲛⲛⲓⲉⲕⲕⲗⲏⲥⲓⲁⲛⲓⲥⲧⲁⲩⲣⲟⲥⲁϥⲕⲁϣⲁⲩⲟⲩⲟϩⲁϥⲉⲣϩⲁⲛⲙⲏϣⲙⲡⲉⲧϩⲱⲟⲩⲙⲡⲓⲁⲣⲭⲓⲉⲡⲓⲥⲕⲟⲡⲟⲥ.
ⲁⲗⲗⲁⲫⲛⲟⲩϯⲫⲏⲉⲧⲁϥⲉⲣⲉⲡⲓⲧⲓⲙⲁⲛⲙⲫⲁⲣⲁⲱⲙⲡⲓⲥⲏⲟⲩⲛⲑⲟϥⲟⲛⲁϥϩⲓϩⲟϯⲉⲡⲁⲓⲭⲉⲧϧⲉⲛⲟⲩⲣⲁⲥⲟⲩⲓϫⲉⲁⲣⲉϩⲉⲣⲟⲕⲉⲃⲟⲗϩⲁⲡⲓⲁⲣⲭⲓⲉⲡⲓⲥⲕⲟⲡⲟⲥ
ⲟⲩⲟϩⲁϥϣⲱⲡⲓⲉϥⲉⲣⲁⲅⲁⲡⲁⲛⲙⲙⲟϥⲙⲫⲣⲏϯⲛⲟⲩⲁⲅⲅⲉⲗⲟⲥⲛⲧⲉⲫⲛⲟⲩϯ.
ⲁⲥϣⲱⲡⲓⲇⲉⲉϥⲭⲏⲙⲙⲁⲩⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥϣⲱⲛⲓϧⲉⲛⲡⲓϣⲱⲛⲓⲉⲧⲉϥⲛⲁⲙⲟⲩⲛϧⲏⲧϥ
ⲟⲩⲟϩⲉⲧⲁⲩⲥⲱⲧⲉⲙⲛϫⲉⲛⲓⲁⲣⲭⲱⲛⲁⲩⲓϩⲁⲣⲟϥⲧⲏⲣⲟⲩϫⲉⲛⲧⲟⲩϫⲉⲙⲡⲉϥϣⲓⲛⲓⲟⲩⲟϩⲛⲧⲟⲩϭⲓⲙⲡⲉϥⲥⲙⲟⲩⲁⲩϫⲉⲙϥⲉϥϧⲟⲥⲓⲉⲙⲁϣⲱ.
ⲟⲩⲟϩⲉⲧⲁⲩⲧⲁⲙⲉⲡⲟⲩⲣⲟⲉⲑⲃⲏⲧϥⲁϥⲭⲁϥⲉⲃⲟⲗ.
ⲉⲧⲁϥⲓⲉⲣⲁⲕⲟϯⲁϥⲙⲧⲟⲛⲙⲙⲟϥⲟⲩⲟϩⲁⲩⲭⲱⲙⲡⲉϥⲥⲱⲙⲁϧⲉⲛⲡⲓⲧⲟⲡⲟⲥⲛⲧⲉⲡⲓϩⲁⲅⲓⲟⲥⲙⲁⲣⲕⲟⲥⲫⲏⲉⲧⲁϥⲕⲟⲧϥⲟⲩⲟϩⲁϥϫⲟⲥⲉⲑⲣⲟⲩⲓⲛⲓⲉⲡⲉϥⲙⲁⲛⲓⲥⲁⲁⲕⲕⲁⲧⲁⲫⲣⲏϯⲉⲧⲁⲩⲧⲁⲙⲟϥⲉⲃⲟⲗϩⲓⲧⲉⲛⲡϭⲟⲉⲓⲥ.
ⲟⲩⲟϩⲛⲉⲟⲩⲟⲛⲟⲩⲇⲓⲁⲕⲱⲛϫⲉⲅⲉⲱⲣⲅⲓⲟⲥⲫⲁⲓⲁϥⲉⲣⲉⲡⲓⲑⲩⲙⲉⲓⲛⲉϯⲙⲉⲧⲁⲣⲭⲓⲉⲣⲉⲩⲥⲡⲁⲣⲁⲫⲟⲩⲱϣⲙⲫⲛⲟⲩϯⲫⲁⲓⲉⲧⲉⲛⲓⲟⲩⲣⲱⲟⲩⲟⲓⲛⲟⲩⲣⲟⲉⲃⲟⲗϩⲓⲧⲟⲧϥ
ⲟⲩⲟϩⲁϥⲑⲉⲧⲡϩⲏⲧⲛⲛⲓⲉⲡⲓⲥⲕⲟⲡⲟⲥⲉⲧⲁⲩϯⲙⲁϯⲙⲙⲁⲩⲉⲑⲣⲟⲩϯⲛⲁϥⲛϯⲙⲉⲧⲁⲣⲭⲓⲉⲡⲓⲥⲕⲟⲡⲟⲥⲁⲗⲗⲁⲥⲁⲧⲟⲧϥⲁϥϭⲓⲛⲟⲩⲥⲟϩⲓⲛⲧⲉⲧⲉϥⲙⲉⲧⲡⲁⲣⲁⲛⲟⲙⲟⲥ
ⲟⲩⲟϩⲉⲧⲁⲩⲁⲓϥⲙⲡⲣⲉⲥⲃⲩⲧⲉⲣⲟⲥⲁⲩϯϩⲓⲱⲧϥⲛϯⲥⲟⲗⲏⲉⲩⲙⲉⲩⲓⲛⲁⲓϥⲛⲁⲣⲭⲓⲉⲡⲓⲥⲕⲟⲡⲟⲥϧⲉⲛⲧⲙⲏϯⲛϯϩⲉⲃⲇⲟⲙⲁⲥⲉⲩⲟⲩⲱϣⲉⲑⲁⲙⲓⲟⲟⲩϩⲱⲃⲡⲁⲣⲁⲛⲓⲕⲁⲛⲱⲛ.
ⲥⲁⲧⲟⲧϥⲁϥⲱϣⲉⲃⲟⲗⲛϫⲉⲡⲓⲁⲣⲭⲓⲇⲓⲁⲕⲱⲛⲉϫⲉⲛⲡⲓⲙⲁⲛⲉⲣϣⲱⲟⲩϣⲓϩⲱⲥϫⲉⲁⲩⲕⲓⲙⲉⲣⲟϥⲉⲃⲟⲗϩⲓⲧⲉⲛⲫⲛⲟⲩϯϫⲉⲛⲛⲉⲥϣⲱⲡⲓⲙⲡⲁⲓⲣⲏϯⲉⲑⲣⲉⲛⲓⲣⲓⲛⲟⲩϩⲱⲃⲡⲁⲣⲁⲛⲓⲕⲁⲛⲱⲛⲁⲗⲗⲁⲙⲁⲣⲉⲛⲟϩⲓϣⲁϯⲕⲩⲣⲓⲁⲕⲏ.
ⲫⲁⲓⲡⲉⲡⲓⲣⲏϯⲉⲧⲁⲡϭⲟⲉⲓⲥϣⲁϣⲧϥⲉϣⲧⲉⲙⲉⲣⲟⲩⲏⲃϣⲁⲉⲛⲉϩⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲟⲩⲣⲱⲙⲓⲛⲥⲛⲟϥϩⲓⲭⲣⲟϥⲡϭⲟⲉⲓⲥϭⲓⲃⲟϯⲙⲙⲟϥ.
ⲟⲩⲟϩϧⲉⲛⲡⲓⲉϩⲟⲟⲩⲉⲧⲉⲙⲙⲁⲩⲁⲩⲓⲉⲣⲁⲕⲟϯⲛϫⲉⲛⲓⲛⲓϣϯⲛⲉⲡⲓⲥⲕⲟⲡⲟⲥ.
ⲉⲧⲁⲩⲥⲱⲧⲉⲙϫⲉⲁϥⲙⲟⲩⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲩⲟⲩⲱϣⲉⲫⲱϣⲉⲛⲙⲫⲏⲉⲧⲁⲡⲭⲣⲓⲥⲧⲟⲥⲥⲟⲧⲡϥⲉⲧⲉⲫⲏⲉⲑⲟⲩⲁⲃⲓⲥⲁⲁⲕⲡⲉⲟⲩⲟϩⲉⲧⲁⲩϫⲉⲙⲛⲓⲕⲉⲭⲱⲟⲩⲛⲓⲉⲧⲁⲩⲣⲁⲃⲏⲟⲩⲧϧⲁϫⲱⲟⲩⲉⲁⲩϯⲙⲁϯⲛⲉⲙⲅⲉⲱⲣⲅⲓⲟⲥⲁϥϣⲱⲡⲓⲛϫⲉⲟⲩⲫⲱⲣϫϧⲉⲛⲧⲟⲩϩⲙⲏϯ
ⲟⲩⲟϩⲥⲁⲧⲟⲧⲟⲩⲁⲩⲓⲉⲣⲁⲕⲟϯⲛϫⲉϩⲁⲛⲣⲉⲙⲛϩⲱⲃⲛⲧⲉⲡⲟⲩⲣⲟⲉⲑⲣⲟⲩⲉⲛⲛⲓⲉⲡⲓⲥⲕⲟⲡⲟⲥϣⲁⲣⲟϥϩⲓⲛⲁⲛⲧⲉϥⲉⲙⲓϫⲉⲛⲓⲙⲡⲉⲉⲧⲟⲩⲛⲁⲑⲁϣϥ
ⲟⲩⲟϩⲉⲧⲁⲩⲫⲟϩⲉⲃⲁⲃⲩⲗⲱⲛⲉⲣⲉⲫⲏⲉⲑⲟⲩⲁⲃⲓⲥⲁⲁⲕϣⲉⲙϣⲓⲛⲅⲉⲱⲣⲅⲓⲟⲥⲉϥⲙⲉⲩⲓⲉϩⲱⲃⲙⲡⲁⲓⲣⲏϯⲁⲛ.
ⲟⲩⲟϩϧⲉⲛⲡϫⲓⲛⲑⲣⲟⲩϧⲟⲧϧⲉⲧⲛⲥⲁⲫⲃⲓⲟⲥⲛⲅⲉⲱⲣⲅⲓⲟⲥⲁⲩϫⲉⲙⲟⲩⲙⲏϣⲛⲁⲓⲧⲓⲁϭⲓⲉϧⲟⲩⲛⲉⲣⲟϥⲙⲁⲗⲓⲥⲧⲁϫⲉⲛⲉⲟⲩⲣⲱⲙⲓⲡⲉⲉⲧⲁϥϭⲓⲅⲁⲙⲟⲥⲟⲩⲟϩⲟⲛϫⲉⲟⲩⲟⲛϩⲁⲛϣⲏⲣⲓⲛⲧⲁϥⲉⲩϩⲱⲟⲩⲉⲙⲁϣⲱ.
ⲟⲩⲟϩⲡⲁⲓⲣⲏϯⲁⲩⲁⲓϥⲛⲥⲣⲁϩⲟⲩⲟϩⲁⲩⲥⲟϭⲛⲓⲉⲑⲱϣⲙⲫⲏⲉⲧⲁⲫⲛⲟⲩϯⲥⲟⲧⲡϥⲉⲧⲉⲫⲏⲉⲑⲟⲩⲁⲃⲓⲥⲁⲁⲕⲡⲉ.
ⲁⲥϣⲱⲡⲓⲇⲉϧⲉⲛⲡⲉϩⲟⲟⲩⲛϯⲕⲩⲣⲓⲁⲕⲏⲉⲑⲟⲩⲁⲃⲉⲩⲑⲟⲩⲏⲧⲧⲏⲣⲟⲩⲛϫⲉⲡⲓⲉⲡⲓⲥⲕⲟⲡⲟⲥⲛⲉⲙⲟⲩⲙⲏϣⲛⲗⲁⲟⲥⲛⲧⲉⲃⲁⲃⲩⲗⲱⲛⲛⲉⲙⲣⲁⲕⲟϯⲛⲉⲙⲭⲱⲣⲁⲛⲓⲃⲉⲛϧⲉⲛⲡⲧⲟⲡⲟⲥⲙⲡⲓϩⲁⲅⲓⲟⲥⲥⲉⲣⲅⲓⲟⲥⲁϥⲓⲉϧⲟⲩⲛϩⲱϥⲛϫⲉⲫⲏⲉⲑⲟⲩⲁⲃⲓⲥⲁⲁⲕⲉⲣⲉⲟⲩⲟⲛⲟⲩϩⲉⲃⲥⲱⲉⲥⲑⲉⲃⲓⲏⲟⲩⲧⲧⲟⲓϩⲓⲱⲧϥ
ⲟⲩⲟϩⲉⲧⲓⲉϥϣⲗⲏⲗϩⲏⲡⲡⲉϧⲉⲛⲟⲩⲉⲝⲁⲓⲡⲛⲁⲁⲡⲓⲫⲁⲛⲟⲥⲕⲱϣⲉϫⲱϥⲟⲩⲟϩⲁϥϫⲟⲕⲙⲉϥⲡⲧⲏⲣϥ.
ϧⲉⲛϯⲟⲩⲛⲟⲩⲁⲡⲓⲙⲏϣⲱϣⲉⲃⲟⲗϫⲉⲁⲝⲓⲟⲥⲁⲝⲓⲟⲥⲁⲝⲓⲟⲥⲡⲓⲙⲁϩⲓⲅⲡⲁⲡⲟⲥⲧⲟⲗⲟⲥⲓⲥⲁⲁⲕⲡⲓⲁⲣⲭⲓⲉⲡⲓⲥⲕⲟⲡⲟⲥ
ⲟⲩⲟϩⲥⲁⲧⲟⲧⲟⲩⲁⲩⲁⲙⲟⲛⲓⲙⲙⲟϥⲛϫⲉⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲁⲣⲭⲱⲛⲁⲩⲉⲛϥⲥⲁϧⲟⲩⲛⲙⲡⲓⲙⲁⲛⲉⲣϣⲱⲟⲩϣⲓⲉⲩϫⲱⲙⲙⲟⲥϫⲉⲫⲁⲓⲡⲉⲇⲁⲩⲓⲇⲙⲃⲉⲣⲓ.
ϧⲉⲛⲡⲓⲉϩⲟⲟⲩⲉⲧⲉⲙⲙⲁⲩⲁϥⲉⲣⲟⲩⲛⲓϣϯⲛϣⲁⲓⲉⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲕⲗⲏⲣⲓⲕⲟⲥⲛϫⲉⲡⲓⲙⲁⲓⲛⲟⲩϯⲛⲁⲣⲭⲱⲛⲕⲩⲣⲓⲟⲥⲓⲥⲁⲁⲕⲡⲓⲭⲁⲣⲧⲟⲗⲁⲣⲓⲟⲥ.
ⲛⲓⲉⲡⲓⲥⲕⲟⲡⲟⲥⲇⲉⲁⲩⲉⲣⲉϥⲣⲱⲧⲉⲃⲥⲁⲧϩⲏⲙⲙⲱⲟⲩⲡⲁⲣⲁⲡⲉϥⲟⲩⲱϣⲉⲩϫⲱⲙⲙⲟⲥⲛⲁϥϫⲉⲡⲓⲡⲛⲉⲩⲙⲁⲉⲑⲟⲩⲁⲃⲉⲧⲑⲱϩⲉⲙⲙⲙⲟⲕⲡⲓⲡⲛⲉⲩⲙⲁⲉⲑⲟⲩⲁⲃⲡⲉⲉⲧⲉⲣⲭⲉⲓⲣⲟⲧⲟⲛⲓⲟⲛⲙⲙⲟⲕⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲁϥⲑⲁϩⲥⲕⲛϫⲉⲫⲛⲟⲩϯⲡⲉⲛⲛⲟⲩϯⲛⲟⲩⲛⲉϩⲛⲑⲉⲗⲏⲗⲉⲃⲟⲗⲟⲩⲧⲉⲛⲉⲕϣⲫⲏⲣⲧⲏⲣⲟⲩ.
ⲉⲡⲉϥⲣⲁⲥϯⲇⲉⲁⲩⲟⲩⲱⲛⲙⲡⲓϩⲱⲃⲉⲡⲟⲩⲣⲟⲁⲩⲧⲁⲙⲟϥⲉⲛⲏⲧⲏⲣⲟⲩⲉⲧⲁⲩϣⲱⲡⲓⲁϥⲟⲩⲁϩⲥⲁϩⲛⲓⲉⲑⲣⲟⲩⲓⲛⲓⲙⲡⲓⲃϩⲓⲧϩⲏⲙⲙⲟϥ
ⲟⲩⲟϩⲉⲧⲁⲩⲧⲁϩⲱⲟⲩⲉⲣⲁⲧⲟⲩⲙⲡⲉϥⲙⲑⲟⲁϥⲛⲁⲩⲉⲅⲉⲱⲣⲅⲓⲟⲥⲉⲣⲉϯϩⲉⲃⲥⲱⲛⲧⲉϯⲙⲉⲧⲟⲩⲏⲃⲧⲟⲓϩⲓⲱⲧϥⲫⲏⲉⲑⲟⲩⲁⲃϩⲱϥⲓⲥⲁⲁⲕⲉⲣⲉϯϩⲉⲃⲥⲱⲉⲧⲑⲉⲃⲓⲏⲟⲩⲧⲛⲧⲉⲛⲓⲙⲟⲛⲁⲭⲟⲥⲧⲟⲓϩⲓⲱⲧϥ.
ⲡⲉϫⲁϥⲛⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲙⲏϣϫⲉⲛⲓⲙϧⲉⲛⲡⲁⲓⲃⲉⲣⲉⲧⲉⲛⲟⲩⲁϣϥ.
ⲁⲩⲱϣⲉⲃⲟⲗⲧⲏⲣⲟⲩϫⲉⲡⲁⲓⲙⲟⲛⲁⲭⲟⲥⲫⲁⲓⲡⲉⲡⲉⲛⲓⲱⲧ.
ⲡⲉϫⲁϥⲛⲱⲟⲩϫⲉⲫⲁⲓⲟⲩϫⲱⲃⲛⲣⲱⲙⲓⲡⲉ.
ⲥⲁⲧⲟⲧⲟⲩⲁⲩⲱϣⲉⲃⲟⲗⲛϩⲟⲩⲟⲛϫⲉⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲁⲣⲭⲱⲛϫⲉⲫⲁⲓⲟⲩⲡⲣⲟⲫⲏⲧⲏⲥⲛⲧⲉⲫⲛⲟⲩϯⲡⲉⲓⲥϫⲉⲛⲧⲉϥⲙⲉⲧⲕⲟⲩϫⲓⲟⲩⲡⲁⲣⲑⲉⲛⲟⲥⲉϥⲧⲟⲩⲃⲏⲟⲩⲧⲡⲉ.
ⲅⲉⲱⲣⲅⲓⲟⲥⲇⲉⲛⲁϥϫⲱⲙⲙⲟⲥⲡⲉϫⲉⲙⲟⲓⲛⲏⲓⲙⲡⲓⲑⲣⲟⲛⲟⲥⲛⲧⲁϯⲛⲁⲕⲛϩⲁⲛⲭⲣⲏⲙⲁ.
ⲉⲧⲁⲩⲥⲱⲧⲉⲙⲇⲉⲛϫⲉⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲙⲏϣⲁⲩⲉⲣⲁⲛⲁⲑⲉⲙⲁⲧⲓⲍⲉⲓⲛⲙⲙⲟϥⲉⲩϫⲱⲙⲙⲟⲥϫⲉⲡⲉⲕϩⲁⲧⲛⲉⲙⲁⲕⲉⲩⲉϣⲱⲡⲓⲉⲡⲧⲁⲕⲟϫⲉⲉⲭⲟⲩⲱϣⲉϫⲫⲟⲛⲁⲕⲛϯⲇⲱⲣⲉⲁⲛⲧⲉⲫⲛⲟⲩϯϩⲓⲧⲉⲛϩⲁⲛⲭⲣⲏⲙⲁ.
ⲟⲩⲟϩⲡⲁⲓⲣⲏϯⲁⲛⲓⲉⲡⲓⲥⲕⲟⲡⲟⲥⲁⲓϥⲛϣⲉⲙⲙⲟⲉϯⲙⲉⲧⲟⲩⲏⲃϧⲉⲛⲟⲩϫⲱⲕⲉⲁⲫⲏⲉⲧⲥϧⲏⲟⲩⲧϫⲱⲕⲉⲃⲟⲗⲉϫⲱϥϫⲉⲟⲩⲗⲁⲕⲕⲟⲥⲁϥϣⲟⲕϥⲟⲩⲟϩⲁϥϭⲣⲏⲙⲙⲟϥⲉϥⲉϩⲉⲓⲉⲣⲟϥⲡⲓϣⲓⲕⲉⲧⲁϥⲉⲣϩⲱⲃⲉⲣⲟϥ
ⲟⲩⲟϩⲟⲛⲫⲏⲉⲑⲛⲁϭⲟⲥϥⲥⲉⲛⲁⲑⲉⲃⲓⲟϥⲟⲩⲟϩⲫⲏⲉⲑⲛⲁⲑⲉⲃⲓⲟϥⲥⲉⲛⲁϭⲁⲥϥ.
ⲟⲩⲟϩⲡⲁⲓⲣⲏϯϧⲉⲛⲟⲩⲯⲏⲫⲟⲥⲛⲧⲉⲫⲛⲟⲩϯⲛⲉⲙⲟⲩⲟⲙⲟⲛⲟⲓⲁⲛⲧⲉⲡⲓⲗⲁⲟⲥⲁⲩⲱⲗⲓⲙⲫⲏⲉⲑⲟⲩⲁⲃⲓⲥⲁⲁⲕϧⲉⲛⲟⲩⲱⲟⲩⲛⲉⲙⲟⲩⲧⲁⲓⲟⲁⲩⲉⲣⲭⲉⲓⲣⲟⲧⲟⲛⲉⲓⲛⲙⲙⲟϥⲛⲁⲣⲭⲓⲉⲡⲓⲥⲕⲟⲡⲟⲥ.
ⲱⲟⲩⲏⲣⲡⲉⲡⲓⲣⲁϣⲓⲛⲉⲙⲡⲓⲟⲩⲛⲟϥⲉⲧⲁϥϣⲱⲡⲓϧⲉⲛϯⲭⲱⲣⲁⲧⲏⲣⲥⲛⲧⲉⲭⲏⲙⲓ
ⲟⲩⲟϩⲛⲁⲩⲉⲣⲭⲟⲣⲉⲩⲓⲛϧⲁϫⲱϥⲛϫⲉⲛⲓⲙⲏϣⲉⲣⲉⲛⲓϯⲙⲓϣⲓⲃϯⲛⲛⲟⲩⲉⲣⲏⲟⲩⲥⲁⲡⲉⲓⲉⲃⲧⲛⲉⲙⲥⲁⲡⲉⲙⲉⲛⲧⲙⲫⲓⲁⲣⲟⲓⲥϫⲉⲛⲃⲁⲃⲩⲗⲱⲛϣⲁⲣⲁⲕⲟϯ.
ⲛⲁⲩⲙⲟϣⲓⲇⲉⲛⲉⲙⲁϥⲛϫⲉϩⲁⲛⲙⲏϣⲛⲉⲡⲓⲥⲕⲟⲡⲟⲥⲛⲁⲓⲉⲧⲁⲩⲑⲱⲟⲩϯϩⲁⲣⲟϥⲧⲏⲣⲟⲩⲉⲑⲃⲉⲡⲧⲁϩⲟⲉⲣⲁⲧϥⲛⲛⲓⲉⲕⲕⲗⲏⲥⲓⲁ
ⲛⲁⲓⲇⲉⲛⲁⲣⲉⲓⲱⲁⲛⲛⲏⲥⲛϧⲏⲧⲟⲩⲡⲓⲉⲡⲓⲥⲕⲟⲡⲟⲥⲛⲧⲉⲡϣⲁϯⲫⲁⲓⲉⲧⲉⲛⲁϥⲟⲓⲛⲁⲡⲟⲕⲣⲓⲧⲏⲥⲉϯⲉⲡⲓⲥⲕⲟⲡⲏⲛⲧⲉϯⲁⲛⲟⲩⲛⲭⲱⲣⲁⲉⲟⲩⲣⲱⲙⲓⲡⲉⲉϥϫⲏⲕⲉⲃⲟⲗϧⲉⲛϯⲥⲟⲫⲓⲁⲛⲧⲉⲫⲛⲟⲩϯⲛⲉⲙⲛⲓⲣⲱⲙⲓⲛⲉⲙⲅⲣⲏⲅⲟⲣⲓⲟⲥⲛⲉⲡⲓⲥⲕⲟⲡⲟⲥⲛⲕⲁⲓⲥⲫⲁⲓⲉⲛⲁϥⲟⲓⲛⲁⲡⲟⲕⲣⲓⲧⲏⲥϩⲱϥⲉⲛⲓⲉⲡⲓⲥⲕⲟⲡⲟⲥⲛⲧⲉϯⲕⲁⲧⲱⲛⲭⲱⲣⲁⲛⲉⲙⲛⲓⲉⲡⲓⲥⲕⲟⲡⲟⲥⲧⲏⲣⲟⲩ.
ⲟⲩⲟϩⲁⲥϣⲱⲡⲓⲉⲧⲁⲩⲫⲟϩⲉϯⲃⲁⲕⲓⲣⲁⲕⲟϯⲁⲩⲓⲉⲃⲟⲗⲉϩⲣⲁϥⲛϫⲉⲡⲓⲙⲏϣⲧⲏⲣϥⲉⲣⲉⲛⲓⲕⲗⲏⲣⲓⲕⲟⲥϥⲁⲓⲛⲛⲓⲉⲩⲁⲅⲅⲉⲗⲓⲟⲛⲛⲉⲙⲛⲓⲥⲧⲁⲩⲣⲟⲥⲛⲉⲙϩⲁⲛⲕⲩⲣⲱⲛⲉⲩⲙⲟϩ
ⲟⲩⲟϩⲛⲁⲩⲉⲣⲯⲁⲗⲗⲉⲓⲛϧⲁϫⲱϥϣⲁⲧⲟⲩⲟⲗϥⲉϧⲟⲩⲛⲉϯⲃⲁⲕⲓ.
ⲟⲩⲟϩⲡⲁⲓⲣⲏϯⲁⲩⲉⲣⲭⲉⲓⲣⲟⲧⲟⲛⲉⲓⲛⲙⲙⲟϥⲛⲁⲣⲭⲓⲉⲡⲓⲥⲕⲟⲡⲟⲥⲛⲥⲟⲩⲏⲛⲭⲟⲓⲁⲕⲛⲟⲩⲉϩⲟⲟⲩⲛⲕⲩⲣⲓⲁⲕⲏ
ⲟⲩⲟϩⲁⲩⲧϩⲉⲙⲥⲟϥϩⲓϫⲉⲛⲡⲓⲑⲣⲟⲛⲟⲥⲛⲁⲡⲟⲥⲧⲟⲗⲓⲕⲟⲛⲛⲧⲉⲡⲓⲉⲩⲁⲅⲅⲉⲗⲓⲥⲧⲏⲥⲉⲑⲟⲩⲁⲃⲙⲁⲣⲕⲟⲥⲡⲓϧⲏⲃⲥⲉⲧⲁϥⲉⲣⲟⲩⲱⲓⲛⲓⲉⲣⲟⲛ
ⲟⲩⲟϩⲁⲩϫⲱⲕⲉϫⲱϥⲙⲡⲓϣⲉⲙϣⲓⲛⲧⲉϯⲙⲉⲧⲁⲣⲭⲓⲉⲣⲉⲩⲥⲕⲁⲧⲁⲛⲓⲕⲁⲛⲱⲛⲛⲁⲡⲟⲥⲧⲟⲗⲓⲕⲟⲛ.
ⲟⲩⲟϩⲉⲧⲁϥϭⲓⲙⲡⲓⲉⲣϣⲓϣϩⲓⲧⲉⲛⲫⲛⲟⲩϯⲉⲥⲱⲛϩⲛⲉⲙⲉⲃⲱⲗⲉⲃⲟⲗⲁϥⲉⲣⲟⲩⲱⲓⲛⲓϧⲉⲛⲡⲓⲕⲟⲥⲙⲟⲥⲧⲏⲣϥ
ⲟⲩⲟϩⲛⲏⲉⲧϧⲉⲛⲡⲓⲉⲡⲓⲥⲕⲟⲡⲓⲟⲛⲁϥⲭⲱⲛⲱⲟⲩⲛϧⲣⲏⲓⲛⲟⲩⲛⲟⲙⲟⲥⲉⲑⲣⲉⲛⲓⲥⲛⲏⲟⲩⲉⲣⲏⲥⲩⲭⲁⲍⲉⲓⲛϧⲉⲛⲛⲟⲩⲙⲁⲛϣⲱⲡⲓⲟⲩⲟϩⲛⲥⲉⲉⲣⲙⲉⲗⲉⲧⲁⲛϧⲉⲛⲛⲓⲅⲣⲁⲫⲏⲉⲑⲟⲩⲁⲃⲟⲩⲟϩⲟⲛⲛⲧⲟⲩⲓⲣⲓⲛⲧⲟⲩⲥⲩⲛⲁⲝⲓⲥⲛⲉⲙⲛⲟⲩⲉⲣⲏⲟⲩⲉϥⲥⲁϫⲓⲛⲉⲙⲱⲟⲩⲛⲟⲩⲙⲏϣⲛⲥⲟⲡⲉϥϯⲭⲟϩⲛⲱⲟⲩⲉϧⲟⲩⲛⲉⲫⲃⲓⲟⲥⲛⲛⲓⲣⲉⲙϣⲓⲏⲧ.
ⲉⲧⲁⲩⲥⲱⲧⲉⲙⲇⲉⲛϫⲉⲡⲕⲉⲥⲉⲉⲡⲏⲛⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲙⲟⲛⲁⲭⲟⲥⲛⲧⲉⲛⲓⲙⲟⲛⲁⲥⲧⲏⲣⲓⲟⲛϫⲉⲫⲏⲉⲑⲟⲩⲁⲃⲓⲥⲁⲁⲕⲉⲧⲟⲓⲛⲁⲣⲭⲓⲉⲡⲓⲥⲕⲟⲡⲟⲥⲁⲩⲓϩⲁⲣⲟϥⲟⲩⲟϩⲁⲩⲉⲣⲡⲣⲟⲥⲕⲩⲛⲉⲓⲛⲙⲙⲟϥϩⲱⲥⲉⲩⲥⲱⲟⲩⲛⲛⲧⲉϥⲛⲓϣϯⲛⲥⲟⲫⲓⲁⲛⲉⲙⲛⲉϥⲁⲥⲕⲏⲥⲓⲥ
ⲟⲩⲟϩⲛⲁϥⲟⲓⲛⲧⲩⲡⲟⲥⲛⲱⲟⲩϧⲉⲛϩⲁⲛϩⲃⲏⲟⲩⲓⲉⲛⲁⲛⲉⲩ.
ⲡⲁⲓϩⲁⲅⲓⲟⲥⲟⲩⲛⲱⲛⲁⲙⲉⲛⲣⲁϯⲁⲫⲛⲟⲩϯⲉⲣⲭⲁⲣⲓⲍⲉⲥⲑⲁⲓⲛⲁϥⲛϩⲁⲛϩⲙⲟⲧⲛⲧⲁⲗϭⲟⲛⲟⲩⲙⲏϣⲛⲣⲏϯ.
ⲥⲟⲡⲛⲓⲃⲉⲛⲉⲧⲉϥⲛⲁϩⲱⲗⲉϫⲉⲛⲡⲓⲙⲁⲛⲉⲣϣⲱⲟⲩϣⲓⲉⲉⲣⲡⲣⲟⲥⲫⲉⲣⲉⲓⲛⲓⲥϫⲉⲛⲡⲓⲛⲁⲩⲉⲧⲉϥⲛⲁⲉⲣϩⲏⲧⲥⲉϯⲁⲛⲁⲫⲟⲣⲁⲉⲑⲟⲩⲁⲃϣⲁⲣⲉⲛⲉϥⲃⲁⲗⲓⲛⲓⲉⲡⲉⲥⲏⲧⲛϩⲁⲛⲉⲣⲙⲱⲟⲩⲓϣⲁⲧⲉϥϫⲱⲕⲙⲡⲓϣⲉⲙϣⲓⲉⲃⲟⲗ
ⲟⲩⲟϩⲁϥϣⲁⲛⲫⲟϩⲉⲡⲓⲛⲁⲩⲉⲣⲉⲡⲓⲡⲛⲉⲩⲙⲁⲉⲑⲟⲩⲁⲃⲛⲏⲟⲩⲉϫⲉⲛⲡⲓⲙⲁⲛⲉⲣϣⲱⲟⲩϣⲓϣⲁϥⲉⲣⲑⲉⲱⲣⲉⲓⲛⲙⲡⲓⲡⲛⲉⲩⲙⲁⲉⲑⲟⲩⲁⲃⲉϥⲛⲏⲩⲉϫⲉⲛϯⲑⲩⲥⲓⲁⲉϥⲟⲩⲱⲧⲉⲃⲙⲡⲓⲱⲓⲕⲛⲉⲙⲡⲓⲁⲫⲟⲧⲉⲡⲓⲥⲱⲙⲁⲛⲛⲟⲩϯⲛⲧⲉⲡⲭⲣⲓⲥⲧⲟⲥ
ϧⲉⲛⲡϫⲓⲛⲑⲣⲉⲡⲁⲓⲁⲅⲓⲟⲥⲛⲁⲩⲉⲡⲁⲓⲛⲓϣϯⲛϭⲱⲣⲡⲉⲃⲟⲗϣⲁⲣⲉⲟⲩϩⲟϯⲁⲙⲟⲛⲓⲙⲙⲟϥⲛⲉⲙⲟⲩⲣⲁϣⲓ.
ϧⲉⲛϯⲟⲩⲛⲟⲩϣⲁⲣⲉⲡⲉϥϩⲟϩⲓⲁⲕⲧⲓⲛⲛⲟⲩⲱⲓⲛⲓⲉⲃⲱⲗϩⲱⲥⲧⲉⲛⲧⲉⲟⲩⲟⲛⲛⲓⲃⲉⲛⲉⲣϣⲫⲏⲣⲓⲉⲩϫⲱⲙⲙⲟⲥϫⲉⲁⲫⲛⲟⲩϯⲁⲓⲧⲉⲛⲛⲉⲙⲡϣⲁⲛⲟⲩϩⲁⲅⲓⲟⲥⲙⲡⲁⲓⲣⲏϯⲉϥⲟⲩⲁⲃ.
ⲟⲩⲟϩⲛⲁⲣⲉⲡⲉϥⲛⲟⲩⲥⲟⲓⲛⲟⲩⲱⲓⲛⲓⲙⲡⲕⲱϯⲛⲛⲓⲇⲟⲅⲙⲁⲉⲑⲟⲩⲁⲃⲙⲫⲣⲏϯⲙⲡⲓⲛⲓϣϯⲁⲑⲁⲛⲁⲥⲓⲟⲥⲛⲉⲙⲡⲓⲥⲟⲫⲟⲥⲕⲩⲣⲓⲗⲗⲟⲥⲛⲁⲓⲉⲧⲁϥϣⲱⲡⲓⲛⲱⲟⲩⲛⲇⲓⲁⲇⲟⲭⲟⲥ.
ⲟⲩⲟϩⲉⲧⲁⲫⲏⲉⲑⲟⲩⲁⲃⲓⲥⲁⲁⲕⲓⲉⲃⲟⲗϧⲉⲛⲭⲏⲙⲓⲁϥⲧⲁⲥⲑⲟⲛⲟⲩⲙⲏϣⲉⲃⲟⲗϧⲉⲛⲛⲟⲩϩⲁⲓⲣⲉⲥⲓⲥⲁϥⲉⲛⲟⲩⲉϧⲟⲩⲛⲉⲡⲓⲛⲁϩϯⲉⲧⲥⲟⲩⲧⲱⲛⲛⲧⲉⲡⲉⲛϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥ.
ϩⲁⲛⲟⲩⲟⲛⲙⲉⲛⲁϥϯⲱⲙⲥⲛⲱⲟⲩϩⲁⲛⲕⲉⲭⲱⲟⲩⲛⲓⲇⲉⲛⲁϥϣⲟⲡⲙⲙⲱⲟⲩⲉⲣⲟϥϧⲉⲛⲡϫⲓⲛⲑⲣⲟⲩⲉⲣⲁⲛⲁⲑⲉⲙⲁⲧⲓⲍⲉⲓⲛⲛⲛⲟⲩϩⲁⲓⲣⲉⲥⲓⲥⲙⲓⲛⲙⲙⲱⲟⲩⲉⲃⲟⲗϩⲓⲧⲉⲛⲡⲓϩⲙⲟⲧⲉⲧⲁⲫⲛⲟⲩϯⲉⲣⲭⲁⲣⲓⲍⲉⲥⲑⲁⲓⲙⲙⲟϥⲛⲁϥϩⲓⲧⲉⲛⲛⲉϥⲥⲁϫⲓⲛⲣⲉϥⲧⲟⲩϫⲉⲯⲩⲭⲏ.
ⲟⲩⲟϩⲉⲧⲁⲫⲛⲟⲩϯⲉⲛϥⲉϧⲟⲩⲛⲉⲟⲩⲧⲓⲙⲓⲉⲩⲙⲟⲩϯⲉⲣⲟϥϫⲉⲡⲥⲁⲛⲁϣⲟⲁϥϯⲱⲙⲥⲛⲟⲩⲙⲏϣϧⲉⲛⲡⲓⲙⲁⲉⲧⲉⲙⲙⲁⲩⲉⲓⲧⲉⲣⲱⲙⲓⲉⲓⲧⲉⲥϩⲓⲙⲓⲉⲓⲧⲉⲛⲓϣϯⲉⲓⲧⲉⲕⲟⲩϫⲓ.
ⲟⲩⲟϩⲁⲥϣⲱⲡⲓⲙⲫⲛⲁⲩⲙⲡⲓⲁⲣⲓⲥⲧⲟⲛⲉϥⲣⲟⲧⲉⲃⲛⲉⲙⲛⲓⲉⲡⲓⲥⲕⲟⲡⲟⲥⲛⲉⲙⲁϥⲁⲩⲓⲛⲓⲉϧⲟⲩⲛⲛⲟⲩⲣⲱⲙⲓⲉϥⲧϩⲉⲙⲕⲏⲟⲩⲧⲉⲙⲁϣⲱⲟⲩⲟϩⲉⲣⲉⲛⲉϥⲥⲁϧⲟⲩⲛⲟⲓⲛϣⲁϩϩⲱⲥⲧⲉⲁϥϣⲁⲛⲥⲟⲛⲟⲩⲗⲁⲕⲕⲟⲥⲙⲙⲱⲟⲩϣⲁϥⲉⲣⲙⲫⲣⲏϯⲓⲥϫⲉⲕⲙⲡⲉϥⲥⲱⲉⲡⲧⲏⲣϥϩⲓⲧⲉⲛⲡⲓⲛⲓϣϯⲛϣⲁϩⲉⲧⲥⲁϧⲟⲩⲛⲙⲙⲟϥ.
ⲉⲧⲁⲩⲉⲛϥⲇⲉϩⲁⲣⲟϥⲁϥϥⲁⲓⲛⲛⲉϥⲃⲁⲗⲉⲡϣⲱⲓⲉⲧⲫⲉⲁϥϥⲓⲁϩⲟⲙⲉϥϫⲱⲙⲙⲟⲥϫⲉⲛⲑⲟⲕⲟⲩⲇⲓⲕⲁⲓⲟⲥⲡϭⲟⲉⲓⲥⲟⲩⲟϩⲛⲉⲕϩⲁⲡⲧⲏⲣⲟⲩⲥⲟⲩⲧⲱⲛ.
ⲉⲧⲁⲫⲏⲉⲑⲟⲩⲁⲃⲙⲡⲁⲧⲣⲓⲁⲣⲭⲏⲥϭⲓⲛⲟⲩⲁⲫⲟⲧⲛⲏⲣⲡⲁϥⲉⲣⲥⲫⲣⲁⲅⲓⲍⲉⲓⲛⲙⲙⲟϥϧⲉⲛⲫⲣⲁⲛⲙⲫⲓⲱⲧⲛⲉⲙⲡϣⲏⲣⲓⲛⲉⲙⲡⲓⲡⲛⲉⲩⲙⲁⲉⲑⲟⲩⲁⲃⲁϥⲧⲏⲓϥⲙⲡⲓⲣⲱⲙⲓⲁϥⲥⲟϥ.
ϧⲉⲛϯⲟⲩⲛⲟⲩⲁϥⲱϣⲉⲙⲛϫⲉⲡⲓⲭⲣⲱⲙⲉⲧⲥⲁϧⲟⲩⲛⲙⲡⲓⲣⲱⲙⲓⲁϥⲙⲧⲟⲛⲥⲁⲧⲟⲧϥⲁϥϩⲱⲗⲉⲡⲉϥⲏⲓⲉϥϯⲱⲟⲩⲙⲫⲛⲟⲩϯⲛⲉⲙⲫⲏⲉⲑⲟⲩⲁⲃ

ANNIS Metadata

Coptic_edition: Améliineau 1890
annotation: Amir Zeldes, Lydia Bremer-McCollum
attributed_author: Mena of Pshati
author: Mena of Pshati
collection: Vatican
corpus: bohairic.life.isaac
country: Egypt
document_cts_urn: urn:cts:copticLit:lives.boh_isaac.amelineau_ed:20-41
entities: none
facsimile_graphic_url: https://digi.vatlib.it/view/MSS_Vat.copt.62
identities: none
idno: Vat. Copt. 62.12 ff. 221r-231v
language: Bohairic Coptic
license: CC-BY 4.0
msItem_title: The Life of Isaac of Alexandria
msName: MACA.CA
next: urn:cts:copticLit:lives.boh_isaac.amelineau_ed:42-48
note: Coptic chapter divisions follow Amélineau's paragraph divisions. French translation from Amélineau (OCR), machine translated to English and extensively post-edited by Amir Zeldes.
objectType: codex
ocr: automatic

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.boh_isaac.amelineau_ed:20-41. [version number], [date]. https://data.copticscriptorium.org/urn:cts:copticLit:lives.boh_isaac.amelineau_ed:20-41.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.boh_isaac.amelineau_ed:20-41.

Document Edition: urn:cts:copticLit:lives.boh_isaac.amelineau_ed:20-41

Work: urn:cts:copticLit:lives.boh_isaac

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.boh_isaac.amelineau_ed:20-41/norm/html

Analytic Visualization HTML: https://data.copticscriptorium.org/urn:cts:copticLit:lives.boh_isaac.amelineau_ed:20-41/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.boh_isaac.amelineau_ed:20-41/tei/xml

Paula XML: https://data.copticscriptorium.org/urn:cts:copticLit:lives.boh_isaac.amelineau_ed:20-41/paula/xml

relANNIS: https://data.copticscriptorium.org/urn:cts:copticLit:lives.boh_isaac.amelineau_ed:20-41/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.boh_isaac.amelineau_ed:20-41/annis